بارش میں چہل قدمی کرنے والے شخص کی چھتری پر بجلی گر گئی جس کی دل دہلا دینے والی ویڈیو سامنے آئی ہے۔
انٹرنیٹ پر آئے روز ایسی ویڈیوز سامنے آتی ہیں جنہیں دیکھ کر صارفین ششدر رہ جاتے ہیں البتہ کچھ ایسے حقیقی واقعات کی ویڈیوز بھی سامنے آتی ہیں جنہیں دیکھ کر لوگ خوفزدہ ہوجاتے ہیں۔
دی سن کی جانب سے جاری ہونے والی ویڈیو امریکی ریاست ساؤتھ کیلورینا کی ہے جس میں ایک شخص کو بارش کے دوران چھتری لے کر چلتے ہوئے دیکھا جاسکتا ہے۔
ویڈیو میں نظر آنے والے شخص نے بارش کے پانی سے بچنے کے لیے چھتری کا سہارا لیا اور وہ کہیں کام سے نکلا تو اسی دوران اُس کے بالکل قریب آسمانی بجلی گری۔
دیکھا جاسکتا ہےکہ بجلی گرنے کے بعد چھتری اُس شخص کے ہاتھ سے چھوٹ گئی اور پھر پگھل گئی جبکہ قریب میں موجود پانی بھی فضا میں بلند ہوا۔
آسمانی بجلی گرنے کے فوری بعد چھتری لے کر چلنے والا شخص بھی زمین سے ایک فٹ اوپر اچھلا جس سے یہ اندازہ لگایا جاسکتا ہےکہ اُسے بھی چوٹ آئی ہے۔
Scary moment a man is nearly hit by lightning pic.twitter.com/BpaoSZRz84
— The Sun (@TheSun) November 3, 2020
دی سن کی رپورٹ میں بتایا گیا ہے کہ یہ ویڈیو نارتھ کیلورینا کے اسکول کی ہے البتہ یہ نہیں بتایا گیا کہ واقعہ کب پیش آیا اور اس میں کیا نقصان ہوا۔
