فیس بک انک۔ نے جمعہ کو اپنی خدمات میں دو گھنٹے کے تعطل کے لیے صارفین سے معذرت کی ہے اور رواں ہفتے اپنی دوسری عالمی بندش کے لیے ایک اور ناقص کنفیگریشن تبدیلی کو ذمہ دار ٹھہرایا ہے۔
کمپنی نے تصدیق کی کہ اس کا سوشل میڈیا پلیٹ فارم ، انسٹاگرام ، میسنجر اور ورک پلیس تازہ ترین بندش سے متاثر ہوئے ہیں۔
کمپنی نے کہا ، ” ہرکسی سے مخلصانہ معذرت جو پچھلے چند گھنٹوں میں ہماری سروسز تک رسائی حاصل نہیں کر سکا۔” “ہم نے اس مسئلے کو حل کر لیا ہے ، اور اب سب کچھ معمول پر ہے۔”
تازہ ترین بندش کے دوران ، کچھ صارفین اپنی انسٹاگرام فیڈز لوڈ کرنے سے قاصر تھے ، جبکہ دیگر فیس بک میسنجر پر پیغامات بھیجنے کے قابل نہیں تھے۔
لوگ تیزی سے ٹویٹر پر گئے تاکہ اس ہفتے دوسری سروس میں خلل کے بارے میں میمز اور لطیفے شیئر کریں۔
انسٹاگرام نے صارفین کے صبر اور “اس ہفتے کی تمام میمز کے لیے شکریہ ادا کیا “۔
پیر کے روز ، سوشل میڈیا کمپنی نے تقریبا 6 گھنٹے کی بندش کے لیے “ناقص کنفیگریشن تبدیلی” کو ذمہ دار ٹھہرایا جس نے کمپنی کے 3.5 بلین صارفین کو اس کے سوشل میڈیا اور میسجنگ سروسز جیسے واٹس ایپ ، انسٹاگرام اور میسنجر تک رسائی سے روک دیاتھا۔
ماسکو کے عہدیداروں نے کہا کہ پیر کی بندش سے ظاہر ہوتا ہے کہ روس کا اپنے سوشل میڈیا نیٹ ورکس کو تیار کرنا درست ہے ، جبکہ یورپی یونین کی اینٹی ٹرسٹ کی سربراہ مارگریٹ ویسٹیگر نے صرف چند بڑی کمپنیوں پرانحصار کرنے کے اثرات پر روشنی ڈالی ، اور مزید کمپنیوں کی ضرورت پر زور دیا۔
