پاکستان کے اسٹار وکٹ کیپر بلے باز محمد رضوان آئی سی سی کی تازہ ترین ٹی ٹونٹی بلے بازوں کی رینکنگ میں چوتھے نمبر پر آگئے ہیں۔
ڈھاکہ میں کھیلی گئی پاکستان اور بنگلہ دیش کے درمیان سیریز میں 29 سالہ کھلاڑی کو سیریز کا بہترین کھلاڑی قرار دیا گیا۔
دائیں ہاتھ کے کھلاڑی اس وقت 735 پوائنٹس کے ساتھ چوتھے نمبر پر ہیں۔ انہوں نے آسٹریلیا کے ٹی ٹونٹی ورلڈ کپ جیتنے والے کپتان ایرون فنچ کو پیچھے چھوڑ دیا، جو چھٹے نمبر پر آ گئے ہیں۔
پاکستان کے کپتان بابر اعظم 809 پوائنٹس کے ساتھ ٹاپ پوزیشن پر براجمان ہیں جس کے بعد انگلینڈ کے ڈیوڈ ملان (805) اور جنوبی افریقہ کے ایڈن مارکرم (796) ہیں۔
دریں اثنا، ہندوستان کے سابق ٹی ٹونٹی کپتان ویرات کوہلی ٹاپ 10 سے باہر ہو گئے ہیں۔
فخر زمان بھی 40 ویں سے 35 ویں نمبر پر آگئے ہیں جبکہ فاسٹ بولر حسن علی 16 درجے ترقی کر کے 44 ویں اور شاداب خان دو درجے ترقی کر کے 14 ویں نمبر پر آ گئے ہیں۔
