سعودی وزارت برائے انسانی وسائل اور سماجی ترقی نے بیرون ملک پاکستانیوں کی وزارت اور انسانی وسائل کی ترقی کے ساتھ پاکستان سے کارکنوں کی ملازمت کے حوالے سے ایک معاہدے پر دستخط کیے ہیں۔
انڈر سیکرٹری برائے بین الاقوامی امور ڈاکٹر عدنان النعیم نے سعودی وزارت کے لیے دستخط کیے جبکہ مملکت میں پاکستانی سفیر ریٹائرڈ لیفٹیننٹ جنرل بلال اکبر نے اپنے ملک کے لیے دستخط کیے۔
مزید پڑھیں:غیر قانونی تارکین کے خلاف مہم جاری،ایک ہفتے میں 14 ہزار افراد پکڑے گئے
ملازمت کے معاہدے کا مقصد کارکنوں کی بھرتی اور آجروں کے ساتھ معاہدے کے تعلقات کو منظم کرنا اور معاہدے کے دونوں فریقوں کے حقوق کا تحفظ کرنا ہے۔
دونوں فریقوں نے تکامول اور پاکستان میں نیشنل ووکیشنل اینڈ ٹیکنیکل ٹریننگ اتھارٹی کے درمیان ایک پیشہ ورانہ امتحانی معاہدے پر بھی دستخط کیے۔ معاہدے پر تکامول کے سی ای او ڈاکٹر احمد یامانی اور پاکستان کے وزیر تعلیم شفقت محمود نے مشترکہ دستخط کیے۔
دستخط کی تقریب میں ڈپٹی منسٹر آف ہیومن ریسورسز اینڈ سوشل ڈیولپمنٹ برائے سول سروس انجینئر مہر القاسم اور پاکستان کے وزیر تعلیم شفقت محمود نے شرکت کی۔
سعودی عرب میں غیر ملکی کارکن اپنے کفیل کے علاوہ کسی دوسری جگہ کام کر سکتا ہے؟
یہ معاہدے اپنی بین الاقوامی شراکت کو مضبوط بنانے اور اپنے مقاصد کو حاصل کرنے کے لیے مقامی اور بین الاقوامی سطح پر اپنے اسٹریٹجک تعلقات کو استوار کرنے کی وزارت کی کوششوں کے فریم ورک کے اندر آتے ہیں۔
