سعودی عرب میں سیکورٹی فورسز اور جوازات کے مختلف شعبوں کی جانب سے 4 نومبر سے 10 نومبر کے دوران کئے گئے فیلڈ انسپیکشن کے دوران 14،932 غیر قانونی تارکین کو گرفتار کیا گیا.
سعودی سیکورٹی فورسز نے ایک ہفتے کے دوران مملکت کے مختلف علاقوں میںریزیڈنسی ، لیبر قوانین اور سرحدی ضوابط کی خلاف ورزی کرنے پر غیر ملکیوں کو گرفتار کیا.
مزید پڑھیں؛ ممنوعہ ممالک سے سعودی عرب واپسی کیلئے کسی دوسرے ملک میںکم از کم کتنے دن گزارنے ہوتے ہیں؟
سعودی وزارت داخلہ کے انفوگرافک مطابق اقامتی قوانین کی خلاف ورزی کرنے پر 7،511 غیر ملکیوںکو گرفتار کیا گیا، 5،872 غیر ملکیوں کو سرحدی اور حفاظتی ضوابط کی خلاف ورزی کرنے پر گرفتار کیا گیااور 1،549 غیر ملکیوں کو سعودی لیبر قانون کی خلاف ورزی کرنے پر گرفتار کیا گیا.
مملکت سعودی عرب میں سرحد عبور کرنے کی کوشش کرتے ہوئے 353 افراد کو گرفتار کیا گیا ہے، جن میں 66 فیصد یمنی، 32 فیصد ایتھوپیا اور 2 فیصد دیگر قومیتوں سے تعلق رکھتے ہیں، جب کہ شائع کردہ عداد کے مطابق 34 ایسے افراد کو بھی گرفتار کیا گیا جو مملکت سعودی عرب سے بھاگنےیا سرحدوں کو عبور کرنے کی کوشش کر رہے تھے.
مزید پڑھیں؛ سعودی عرب سے ڈی پورٹ (ملک بدر) ہونے والے ورک ویزے پر دوبارہ واپس آ سکتے ہیں؟
شائع شدہ عداد کے مطابق سعودی سیکورٹی فورسز نے 12 ایسے افراد کو بھی گرفتار کیا جو خلاف ورزی کرنے والوں کو نقل و حمل اور پناہ دینے میں ملوث تھے.
خلاف ورزی کرنے والوں کی کل تعداد، جو اس وقت تعزیری اقدامات کے تابع ہیں، 87,786 ہیں جن میں سے 78,581 مرد اور 9,205 خواتین ہیں۔ تقریباً 73,398 خلاف ورزی کرنے والوں کو ان کے سفارتی مشنوں میں منتقل کیا گیا تاکہ ان کی ملک بدری کے لیے سفری اجازت نامہ حاصل کیا جا سکے۔
– سعودی عرب کی وزارت داخلہ نے متنبہ کیا ہے کہ جو کوئی بھی کسی کو سرحدی حفاظتی ضوابط کی خلاف ورزی کرتے ہوئے مملکت میں داخل ہونے میں سہولت فراہم کرتا ہے یا انہیں نقل و حمل یا پناہ گاہ یا کسی بھی طرح سے کوئی اور مدد فراہم کرتا ہے تو اسے زیادہ سے زیادہ 15 سال قید کی سزا دی جائے گی۔ 10 لاکھ ریال کا جرمانہ اور نقل و حمل کے ذرائع اور پناہ گاہ کے لیے استعمال ہونے والی رہائش گاہوں کو ضبط کرنے سمیت ان کے ناموں کو مقامی میڈیا میں عام کر کے نام دینا اور شرمندہ کرنا شامل ہے۔
