نیشنل کمانڈ اینڈ آپریشن سینٹر (این سی او سی) کے سربراہ اسد عمر نے کہا ہےکہ ایک سال میں کورونا ایس او پیز کی بد ترین خلاف ورزیاں سیاستدانوں نے کی ہیں.
سوشل میڈیا کی ویب سائٹ ٹوئٹر پر جاری بیان میں اسد عمر نے کہا کہ سفارش کی تھی کہ آزاد کشمیر کے انتخابات چند ماہ ملتوی کر دیے جائیں، اور انتخابات سے پہلے خصوصی ویکسی نیشن مہم چلانے کا کہا تھا لیکن ان باتوں سے اتفاق نہیں کیا گیا.
Had recommended that AJK elections get postponed for a couple of months and a special vaccination campaign run before the elections. It was not agreed. Since the elections the positivity of AJK is running between 25 and 30%. Elections have acted as a super spreader event.
— Asad Umar (@Asad_Umar) August 12, 2021
اسد عمر نےمزید کہا آزاد کشمیر کے انتخابات کے بعد سے کورونا کیسز کی شرح میں اضافہ ہوا ہے،اب آزاد کشمیر میں کیسز کی شرح 25 سے 30 فیصد کے درمیان ہو گئی ہے، انہوں نے مزید کہا کہ آزاد کشمیر میں کورونا پھیلائو میں انتخابات نے سپر اسپریڈر کے طور پر کام کیا ہے.
این سی او سی کے سربراہ اسد عمر کا کہنا تھا کہ بلاول دھمکی دے رہے تھے کہ کراچی میں کورونا پھیلتا ہے تو ذمہ دار وزیر اعظم اور وزرا ہوں گے، اب پی ڈی ایم نے کراچی میں اس ماہ جلسہ کرنے کا اعلان کیا ہے۔
اسد عمر نے کہا کہ ایک سال میں کورونا ایس او پیز کی بدترین خلاف ورزیاں سیاستدانوں کی طرف سے آئی ہیں۔
Two weeks back bilawal zardari was threatening to hold PM and ministers accountable if covid spreads further in karachi and now PDM announces holding a jalsa this month in karachi!! Sadly the worst violations of covid sop’s in the last one year have come from politicians.
— Asad Umar (@Asad_Umar) August 12, 2021
