نیشنل کمانڈ اینڈ آپریشن سینٹر نے یکم اکتوبر سےپاکستان بھر میں ویکسی نیشن کے بغیر ریلوے کے سفر پر پابندی کا اعلان کردیاگیا ہے۔
وفاقی وزیر منصوبہ بندی اسد عمر کی زیر صدارت نیشنل کمانڈ اینڈ آپریشن سینٹر کا اجلاس ہوا جس میں ملک میں کورونا کی صورت حال اور اس سے بچاؤ کے لیے ویکیس نیشن پر غور کیا گیا۔
مزید پڑھیں:یو اے ای سفر سے قبل یہ شرائط لازمی جان لیں، ‘چیک لسٹ’ جاری!
اجلاس میں ملک اور خاص کر راولپنڈی اور پشاور میں کورونا کے بڑھتے ہوئے پھیلاؤ پر اظہارِ تشویش کیا گیا اور متعلقہ اکائیوں کو کورونا ایس او پیز پر عمل درآمد کرانے کی ہدایات کی گئیں۔ اجلاس میں فیصلہ کیا گیا کہ یکم اکتوبر 2021 سے صرف ویکسینیٹڈ شہری ہی ریلوے پر سفر کر سکیں گے۔
اجلاس کے دوران محرم الحرام کی آمد کے پیشِ نظر کیے جانے والے اقدامات پر بھی غور کیا گیا۔ فورم نے ویکسینیشن کے عمل پر اظہارِ اطمینان جب کہ ویکسی نیشن کی دوسری خوراک بروقت لگوانے کے لیے اقدامات اُٹھائے جانے پر زور دیا گیا۔
