فیڈرل بورڈ آف ریونیو یا ایف بی آر نے ایکسائز ڈیوٹی ادا نہ کرنے پر مختلف شہروں سے پاکستان انٹرنیشنل ایئرلائنز کے 50 بینک اکاؤنٹس منجمد کر دیے ہیں۔
ایک اہلکار نے بتایا کہ ’پی آئی اے نے ٹکٹوں پر فیڈرل ایکسائز ڈیوٹی کی مد میں 4 ارب روپے جمع کیے لیکن دو سال تک ایف بی آر کو ادا نہیں کیے‘۔ پی آئی اے کے منجمد اکاؤنٹس کے ذریعے 460 ملین روپے کی وصولی کی گئی ہے۔
ترجمان اسد طاہر نے تصدیق کی کہ جب تک پی آئی اے باقی رقم کا ذمہ دار نہیں ہو گا اکاؤنٹس منجمد کر دیے جائیں گے۔
اس سے قبل پی آئی اے پر ایئرپورٹ، سیکیورٹی اور ایمبیکیشن چارجز کی مد میں 127 ارب روپے واجب الادا تھے۔
