وزیراعظم عمران خان نے عالمی برادری پر زور دیا ہے کہ وہ غذائی قلت کے دہانے پر موجود لاکھوں افغانوں کو فوری امداد فراہم کرے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر گارڈین کا آرٹیکل شیئر کرتے ہوئے اپنے پیغام میں کہا کہ عالمی برادری فوری طور پر افغانستان کی مدد کرے، افغانستان کی مدد اقوام متحدہ کے اصولوں کے مطابق فرض ہے۔ فاقہ کشی کے دہانے پر موجود لاکھوں افغانوں کو فوری امداد کی ضرورت ہے۔
There is an urgency for the international community, as well as their obligation under the unanimously adopted UN principle of Responsibility To Protect (R2P), to provide immediate humanitarian relief to millions of Afghans on the brink of starvation. https://t.co/td3q3vu3F4
— Imran Khan (@ImranKhanPTI) January 22, 2022
دی گارڈین کے آرٹیکل میں سابق برطانوی وزیر اعظم گورڈن براؤن کی طرف سے برطانوی سیکرٹری خارجہ کو لکھے گئے خط کا حوالہ دیا گیا ہے جس میں افغانستان کے لیے مالی امداد کا مطالبہ کیا گیا ہے۔
سابق برطانوی وزیراعظم نے خط میں کہا کہ 23 ملین افغان بھوک اور غربت کا شکار ہیں۔
