سعودی عرب میں وزارت حج و عمرہ نے توکلانہ اور اعتمرنا ایپ کے ذریعے عمرہ پرمٹ جاری کرنے والوں کو اہم ہدایات جاری کردی ہیں۔
ایجنسی کا کہنا ہے کہ اگر زائرین اجازت نامے کی تاریخ میں کوئی تبدیلی کرنا چاہتے ہیں تو وہ آخری تاریخ سے پہلے ایسا کر سکتے ہیں، لیکن پرمٹ کے آغاز پر نہیں۔
سعودی میڈیا کے مطابق وزارت حج و عمرہ نے نشاندہی کی ہے کہ عمرہ پرمٹ کی تاریخ میں تبدیلی ممکن نہیں۔
اگر پرمٹ ہولڈر لائسنس کو منسوخ کرنا چاہتا ہے، تو وہ میعاد ختم ہونے کی تاریخ سے چار گھنٹے پہلے اجازت نامہ منسوخ کر سکتا ہے اور نیا اجازت نامہ جاری کر سکتا ہے۔
وزارت کا کہنا ہے کہ اگر پرمٹ ہولڈر میعاد ختم ہونے کے بعد پرمٹ منسوخ کرتا ہے تو نیا پرمٹ دس دن بعد جاری کیا جائے گا نہ کہ پہلے۔
وزارت حج و عمرہ نے ان افواہوں کی تردید کی ہے کہ سعودی عرب میں کورونا وائرس کے کیسز میں اضافے کے باعث مختلف زمروں کے عمرہ پرمٹ ہولڈرز کے لائسنس معطل کیے جا سکتے ہیں۔
وزارت کا کہنا ہے کہ یہ دعویٰ ایک افواہ ہے اور اس کا حقیقت سے کوئی تعلق نہیں ہے۔ جس کو بھی عمرہ کا اجازت نامہ دیا گیا ہے وہ موثر ہے۔
