سعودی ولی عہد شہزادہ محمد بن سلمان نے کہا ہے کہ ایرانی جوہری مسئلے سے سنجیدگی سے نمٹنا ہوگا اور افغانستان کو خطے میں خطرات کا گڑھ بننے سے روکنا ہوگا۔
تفصیلات کے مطابق سعودی ولی عہد شہزادہ محمد بن سلمان نے کہا کہ خلیج تعاون کونسل (جی سی سی) مشرق وسطیٰ میں سلامتی اور استحکام کے لیے اپنا کردار ادا کرتی رہے گی۔
شہزادہ محمد بن سلمان نے کہا کہ سعودی عرب خطے میں امن و استحکام کے لیے کوششیں کرتا رہا ہے اور کرتا رہے گا، عراق میں استحکام ضروری ہے، یمن میں سیاسی حل تک رسائی ضروری ہے اور تنازعات کے حل کے لیے مذاکرات بہترین راستہ ہے۔ ۔
اپنے خطاب میں شہزادہ محمد بن سلمان نے کہا کہ ایران کے جوہری مسئلے سے سنجیدگی سے نمٹا جانا چاہیے، اس بات پر زور دیتے ہوئے کہ افغانستان کو خطے میں خطرات کا گڑھ بننے سے روکنا چاہیے۔
جی سی سی کے چھ رکن ممالک کے رہنماؤں اور وفود نے مشترکہ تعاون کو مضبوط بنانے، چیلنجوں سے نمٹنے اور خطے کے مستقبل پر توجہ مرکوز کرنے کے طریقوں پر تبادلہ خیال کیا۔
