بھارتی اداکار نصیر الدین شاہ نے کہا ہے کہ بھارتی حکومت پروپیگنڈا فلموں کے لیے بالی وڈ کے سرفہرست فلمسازوں کی حوصلہ افزائی ، مالی اعانت اور ’’ کلین چٹ ‘‘ کا وعدہ کر رہی ہے۔
نصیر الدین شاہ نے این ڈی ٹی وی کو انٹرویو دیتے ہوئے کہا کہ ، “حکومت کی طرف سے ان کی حوصلہ افزائی کی جا رہی ہے کہ وہ حکومت نواز فلمیں بنائیں ، ہمارے محبوب لیڈر کی کوششوں کو سراہتے ہوئے فلمیں بنائیں۔” “انہیں مالی اعانت بھی دی جا رہی ہے ، کلین چٹ کا وعدہ بھی کیا گیا ہے اگر وہ ایسی فلمیں بناتے ہیں جو پروپیگنڈا ہیں تو اسے دو ٹوک الفاظ میں پیش کریں۔”
نصیر الدین شاہ پر طالبانکے بارے میں اپنے کے ریمارکس کے بعد سے سرخیوں میں ہیں۔ نصیر الدین شاہ نے کہا تھا کہ ہندوستانی مسلمانوں کے کچھ طبقے جو طالبان کی اقتدار میں واپسی کا جشن مناتے ہیں وہ کم خطرناک نہیں ہیں۔ ان پر اپنے بیانات کی وجہ سے سوشل میڈیا پر کافی ٹرول بھی کیا گیا۔ تاہم ، انہوں نے اعتراف کیا ہے کہ “جشن” شاید صحیح لفظ نہیں تھا۔
اداکار نے کہا کہ ان کے پاس کوئی ثبوت تو نہیں ہے ، لیکن بڑے بینر والی فلمیں نفرت اور جنگی ایجنڈے کے ساتھ انڈسٹری میں سیاسی اثر و رسوخ کی واضح تصویر پیش کرتی ہیں۔
نصیر الدین کے مطابق ، بالی ووڈ میں کوئی واضح تعصب نہیں ہے ، لیکن اگر اداکار بولتے ہیں تو انہیں ہراسانی کا سامنا کرنا پڑتا ہے اور یہی بنیادی وجہ ہے کہ “خانوں” نے خاموشی اختیار کی ہوئی ہے۔
نصیر الدین کو انڈسٹری میں امتیازی سلوک کا سامنا نہیں کرنا پڑا۔ “میں اپنے بارے میں فکر مند نہیں ہوں ، میں اپنے بچوں کے بارے میں فکر مند ہوں۔”
