لاہور ٹیسٹ، آسٹریلوی ٹیم 391 پر ڈھیر، پاکستان کی بیٹنگ جاری

قذافی اسٹیڈیم میں پاکستان اور آسٹریلیا کے درمیان جاری ٹیسٹ سیریز کے آخری ٹیسٹ میں آسٹریلیا کی ٹیم پہلی اننگز میں 391 رنز بنا کر آؤٹ ہوگئی جب کہ پاکستان نے پہلی اننگز میں بیٹنگ جاری رکھی۔

پاکستان نے جلد ہی پہلی اننگز میں امام الحق کی وکٹ گنوا دی، وہ 20 کے مجموعی سکور پر 11 رنز بنا کر آؤٹ ہو گئے۔

میچ میں کچھ دیر پہلے تک میزبان ٹیم نے 1 وکٹ کے نقصان پر 20 رنز بنائے ہیں۔

پہلی اننگز میں شاہین شاہ اور نسیم شاہ نے چار چار جبکہ نعمان علی اور ساجد خان نے ایک ایک وکٹ حاصل کی۔

لاہور ٹیسٹ کے دوسرے روز کھیل کا پہلا سیشن مہمان بلے بازوں کے نام رہا، پاکستانی بولرز کوئی وکٹ حاصل نہ کر سکے۔

مہمانوں نے پہلے سیشن میں بغیر کسی نقصان کے ٹیم کا سکور 320 تک پہنچا دیا، آج کے کھیل میں کیمرون گرین اور ایلکس کیری نے اپنی نصف سنچریاں مکمل کیں۔

کھانے کے وقفے کے بعد قومی ٹیم نے ایلکس کیری (63) اور کیمرون گرین (79) کی وکٹیں حاصل کیں۔

ایلکس کیری کو نعمان علی نے ایل بی ڈبلیو کیا جبکہ کیمرون گرین کو نسیم شاہ نے بولڈ کیا۔

آسٹریلیا نے سیریز کے تیسرے ٹیسٹ کے دوسرے دن کا آغاز 5 وکٹوں کے نقصان پر 232 رنز سے کیا۔

گزشتہ روز شاہین آفریدی نے ایک ہی اوور میں پاکستان کی جانب سے وارنر اور لبوشین کو بولڈ کیا، عثمان خواجہ نے 91 اور اسمتھ نے 59 رنز بنائے۔

نسیم شاہ نے بھی دو کھلاڑیوں کو پویلین بھیجا جبکہ ایک وکٹ ساجد خان نے حاصل کی۔

پاکستان کرکٹ بورڈ نے اپنے ٹوئٹر اکاؤنٹ پر لاہور ٹیسٹ کے پہلے دن کے کھیل کی ایک مختصر ویڈیو بھی شیئر کی ہے۔

Load/Hide Comments

اپنا تبصرہ بھیجیں