بالی ووڈ اسٹار شاہ رخ خان کے بیٹے آریان خان کے خلاف این سی بی کی خصوصی تحقیقاتی ٹیم کو ممبئی کروز شپ ڈرگ کیس کی تحقیقات میں کوئی ثبوت نہیں ملا۔
بھارتی میڈیا رپورٹس کے مطابق ممبئی کروز شپ منشیات کیس میں ہونے والی پیش رفت سے یہ بات سامنے آئی ہے کہ بھارت کے نارکوٹکس کنٹرول بیورو (این سی بی) کی خصوصی تحقیقاتی ٹیم (ایس آئی ٹی) معاملے کی تحقیقات کر رہی ہے۔ انہیں آریان خان کے خلاف کوئی ثبوت نہیں ملا۔
ایس آئی ٹی ایچ کی تحقیقاتی رپورٹس کی مندرجات
1- جب آریان خان سے منشیات برآمد نہیں ہوئیں تو اس کا فون لے کر اس کی چیٹ چیک کرنے کی ضرورت نہیں تھی۔
2. ایس آئی ٹی کو واٹس ایپ جیٹس اور پیغامات کے ذریعے منشیات کی غیر قانونی فروخت اور خریداری میں آریان خان کے ملوث ہونے کا کوئی ثبوت نہیں ملا ہے۔
3- کروز شپ پر چھاپے کی ویڈیو ریکارڈ نہیں کی گئی تھی جو این سی بی کے قوانین کے مطابق لازمی ہے۔
4- کیس میں گرفتار متعدد ملزمان سے برآمد شدہ منشیات کو سنگل ریکوری کے طور پر دکھایا گیا۔
5. آرین نے کبھی اپنے دوست ارباز مرچنٹ کو کروز پر منشیات لانے کو نہیں کہا۔
یہاں یہ بات قابل ذکر ہے کہ ایس آئی ٹی کی تحقیقات مکمل نہیں ہوئی ہے اور اسے اپنی حتمی رپورٹ این سی بی کے ڈائریکٹر جنرل ایس این پردھان کو پیش کرنے میں کچھ مہینے لگ سکتے ہیں۔
حتمی فیصلہ کرنے سے قبل قانونی رائے لی جائے گی کہ آیا آریان خان کو منشیات استعمال کرنے پر جرمانہ کیا جائے گا حالانکہ ان سے کوئی منشیات برآمد نہیں ہوئی ہیں۔
شاہ رخ خان کے بیٹے آریان خان کو بھارت کے نارکوٹکس کنٹرول بیورو (این سی بی) نے 3 اکتوبر کو ممبئی کے ساحل پر ایک کروز شپ پر پارٹی کے چھاپے کے دوران گرفتار کیا تھا۔
نارکوٹکس کنٹرول بیورو (این سی بی) نے ممبئی کروز شپ ڈرگ کیس میں آریان خان کی آنے والی فلم میں ان کے ساتھی اداکار کے ساتھ منشیات کی چیٹ بھی عدالت میں پیش کی تھی۔
میڈیا رپورٹس کے مطابق واٹس ایپ چیٹ سے معلوم ہوا کہ آریان خان اور اداکارہ کے درمیان منشیات کے حوالے سے بات چیت ہوئی۔
این سی بی نے اس پر منشیات رکھنے اور استعمال کرنے کا الزام لگایا تھا، جسے بعد میں آریان نے مسترد کر دیا تھا اور بعد میں اس کا اعتراف کیا تھا۔
آریان خان کے وکیل کی جانب سے دائر ضمانت کی درخواست ممبئی سیشن کورٹ نے مسترد کر دی تھی جس کے بعد ممبئی ہائی کورٹ میں ضمانت کی درخواست دائر کی گئی تھی۔
جس کے بعد ممبئی ہائی کورٹ نے آریان خان کو ضمانت پر رہا کرنے کا حکم دیا تھا لیکن ساتھ ہی ضمانت کے لیے 14 شرائط بھی رکھی تھیں۔ آریان خان پولیس کو بتائے بغیر ممبئی نہیں چھوڑ سکتے اور انہیں ہر جمعہ کو این سی بی کے سامنے پیش ہونا پڑتا ہے۔
