فیڈرل بورڈ آف ریونیو نے قومی ایئرلائن کے منجمد اکاؤنٹس غیر منجمد کر دیئے۔
یہ پیشرفت پاکستان انٹرنیشنل ایئرلائن کے سی ای او ارشد ملک اور ایف بی آر کے چیئرمین ڈاکٹر اشفاق کے درمیان ملاقات کے بعد سامنے آئی۔
سی ای او ارشد ملک نے کہا کہ پی آئی اے نامساعد حالات کے باوجود اپنے واجبات کی ادائیگی جاری رکھے گی۔
سی ای او کی یقین دہانی پر ایف بی آر نے فوری کارروائی کرتے ہوئے پی آئی اے کے منجمد اکاؤنٹس غیر منجمد کر دیے۔
واضح رہے کہ ایف بی آر نے آرکیٹیکٹس پر فیڈرل ایکسائز ڈیوٹی کی عدم ادائیگی پر پی آئی اے کے بینک اکاؤنٹس منجمد کر دیے تھے۔
ایف بی آر کی جانب سے قومی ایئرلائن کے اکاؤنٹس بند کیے جانے پر پی آئی اے کے ترجمان نے ایک بیان میں کہا کہ 2016 سے 2020 تک ٹیکس کی مطلوبہ رقم ادا کردی گئی ہے جب کہ اس حوالے سے 2016 سے 2020 تک کی رقم کابینہ میں اصلاحات تک منجمد کرنے کا فیصلہ موجود ہے۔
پی آئی اے کے ترجمان نے کہا کہ ایف بی آر کا اکاؤنٹ منجمد کرنے کا فیصلہ وفاقی کابینہ کے فیصلے سے متصادم ہے، پی آئی اے کی ساکھ کو داغدار کرنے کی کوشش ہے، اور یہ اقدام ایجنسی کا بین الاقوامی سطح پر سبکی کا سبب بن جائے گا۔
