چیئرمین پی ٹی آئی اور وزیراعظم عمران خان نے پارٹی تنظیمیں تحلیل کرنے کے بعد پی ٹی آئی کی نئی تنظیم کا اعلان کردیا۔
فواد چوہدری کے مطابق عمران خان نے پی ٹی آئی کی نئی تنظیم کا اعلان کر دیا ہے۔
چئرمین تحریک انصاف جناب عمران خان نے عامر محمود کیانی کو پارٹی کا ایڈیشنل سیکرٹری جنرل نامزد کیا ہے https://t.co/MHsL3c1dSf
— Ch Fawad Hussain (@fawadchaudhry) December 25, 2021
وفاقی وزیر برائے منصوبہ بندی اسد عمر پی ٹی آئی کے نئے سیکرٹری جنرل ہوں گے جب کہ پرویز خٹک خیبرپختونخوا، علی زیدی سندھ، قاسم سوری بلوچستان اور شفقت محمود پنجاب کے صدر ہوں گے۔
انہوں نے یہ بھی کہا کہ خسرو بختیار جنوبی پنجاب کے صدر ہوں گے۔
فواد چوہدری کے مطابق چیئرمین پی ٹی آئی نے عامر محمود کیانی کو پارٹی کا ایڈیشنل سیکرٹری جنرل نامزد کر دیا ہے۔
خیال رہے کہ وزیراعظم عمران خان نے خیبرپختونخوا میں بلدیاتی انتخابات کے پہلے مرحلے میں پی ٹی آئی کی کارکردگی اور اہل خانہ میں ٹکٹوں کی تقسیم پر برہمی کا اظہار کرتے ہوئے مرکز سے لے کر تحصیلوں تک پی ٹی آئی کی تمام تنظیمیں تحلیل کردی تھیں۔
