ایم آئی سیریز کے ہیلی کاپٹر کے آرمی بیس سے اڑان بھرنے کے فوراً بعد یہ حادثے کا شکار ہوگیا ۔
ہندوستانی فضائیہ نے کہا کہ چیف آف ڈیفنس اسٹاف بپن راوت اور 13 دیگر افراد کو لے جانے والا آرمی ہیلی کاپٹر آج تمل ناڈو میں گر کر تباہ ہوگیا۔
جائے حادثہ سے پانچ لاشیں ملی ہیں اور دو کو شدید جھلسنے کے زخموں کے ساتھ ہسپتال لے جایا گیا ہے۔ ابھی تک مزید تفصیلات معلوم نہیں ہیں۔
جنرل راوت کی اہلیہ، ان کے دفاعی معاون، سیکورٹی کمانڈوز اور ہندوستانی فضائیہ کے اہلکارسمیت مبینہ طور پر 14 افراد ہیلی کاپٹر میں سوار تھے۔
ہندوستانی فضائیہ نے ایک ٹویٹ میں تصدیق کی ہے کہ چیف آف ڈیفنس اسٹاف پرواز پر موجود تھے۔
An IAF Mi-17V5 helicopter, with CDS Gen Bipin Rawat on board, met with an accident today near Coonoor, Tamil Nadu.
An Inquiry has been ordered to ascertain the cause of the accident.— Indian Air Force (@IAF_MCC) December 8, 2021
“ایک IAF Mi-17V5 ہیلی کاپٹر، جس میں جنرل بپن راوت سوار تھے، آج کونور، تمل ناڈو کے قریب حادثے کا شکار ہو گیا۔ حادثے کی وجہ معلوم کرنے کے لیے انکوائری کا حکم دیا گیا ہے۔”
یہ حادثہ نیلگیرس میں پیش آیا، ایم آئی سیریز کے ہیلی کاپٹر کوئمبٹور کے سلور میں واقع فوجی اڈے سے اڑان بھرنے کے فوراً بعد حادثہ پیش آگیا ۔
ویڈیوزمناظر میں پہاڑی پر بکھرے ہوئے ملبے کو دکھایا گیا اور امدادی کارکن مدد کے لیے موجود ہیں، گھنے دھویں اور آگ اور جڑ سے اکھڑے ہوئے درختوں کے درمیان جدوجہد کر رہے ہیں۔ مقامی لوگوں اور پولیس اہلکاروں نے لاشوں کو اٹھا لیا۔
#WATCH | Latest visuals from the spot (between Coimbatore and Sulur) where a military chopper crashed in Tamil Nadu. CDS Gen Bipin Rawat, his staff and some family members were in the chopper.
(Video Source: Locals involved in search and rescue operation) pic.twitter.com/YkBVlzsk1J
— ANI (@ANI) December 8, 2021
63 سالہ جنرل راوت، نے جنوری 2019 میں ہندوستان کے پہلے چیف آف ڈیفنس اسٹاف کے طور پر چارج سنبھالا۔ یہ عہدہ ہندوستان کی تین خدمات – فوج، بحریہ اور فضائیہ کو مربوط کرنے کے مقصد سے قائم کیا گیا تھا۔
بعد میں انہیں نئے بنائے گئے محکمہ برائے عسکری امور کا سربراہ بھی مقرر کیا گیا۔
بھارتی وزیر اعظم نریندر مودی اور وزیر دفاع راج ناتھ سنگھ کو حادثے کے بارے میں بریفنگ دی گئی ہے۔
