ایک ہفتے کے اندر سعودی عرب کے مختلف علاقوں میں ریزیڈنسی اور لیبر قوانین اور سرحدی حفاظتی ضوابط کی خلاف ورزی کرنے والے تقریباً 14,519 افراد کو گرفتار کیا گیا ہے۔
یہ گرفتاریاں 25 نومبر سے یکم دسمبر کے دوران سیکورٹی فورسز کے مختلف یونٹس اور جنرل ڈائریکٹوریٹ آف پاسپورٹ (جوازات) کی جانب سے کی گئی مشترکہ فیلڈ مہم کے دوران کی گئیں۔
گرفتار ہونے والوں میں اقامتی قوانین کی 7,413 خلاف ورزی کرنے والے، سرحدی سلامتی کے ضوابط کی تقریباً 5,398 خلاف ورزی کرنے والے اور مزدور قانون کی 1,708 سے زیادہ خلاف ورزی کرنے والے شامل ہیں۔
مزید پڑھیں؛ کیا سعودی عرب سے ڈی پورٹ ہونے والے حج و عمرہ کے ویزے پر سعودی عرب آ سکتے ہیں؟
کُل 381 افراد کو سرحد عبور کر کے سعودی عرب میں داخل کرنے کی کوشش کے دوران گرفتار کیا گیا جن میں سے 40 فیصد یمنی، 57 فیصد ایتھوپیا اور 3 فیصد کا تعلق دوسری قومیتوں سے تھا جب کہ 17 افراد کو مملکت کی سرحد عبور کر کے فرار ہونے کی کوشش کرنے پر گرفتار کیا گیا۔
سعودی سیکیورٹی فورسز نے 7 افراد کو بھی گرفتار کیا جو خلاف ورزی کرنے والوں کو منتقل کرنے اور انہیں پناہ دینے میں ملوث تھے۔
خلاف ورزی کرنے والوں کی کل تعداد، جو اس وقت تعزیری اقدامات کے تابع ہیں، 88,511 سے زائد ہیں، جن میں 80,587 سے زیادہ مرد اور 7924 خواتین شامل ہیں، جب کہ 77,501 خلاف ورزی کرنے والوں کے کیس ان کے سفارتی مشنز کو بھیجے گئے تاکہ ان کی ملک بدری کے لیے سفری دستاویزات حاصل کی جاسکیں۔
مزید پڑھیں؛ ایک ویکسین سعودی عرب میںلگوائی دوسری اپنے ملک میں سعودی عرب پہنچ کر قرنطینہ کرنا لازمی ہوگا؟
وزارت داخلہ نے متنبہ کیا ہے کہ جو کوئی بھی سرحدی حفاظتی ضوابط کی خلاف ورزی کرتے ہوئے کسی کو مملکت میں داخل ہونے میں سہولت فراہم کرتا ہے، یا اسے نقل و حمل یا پناہ یا کسی بھی طرح سے کوئی مدد یا خدمات فراہم کرتا ہے، اسے زیادہ سے زیادہ 15 سال قید کی سزا دی جائے گی۔
1 ملین ریال تک کا جرمانہ، اور نقل و حمل کے ذرائع، اور پناہ کے لیے استعمال ہونے والی رہائش گاہ کو ضبط کرنے کے علاوہ، مقامی میڈیا میں ان کے ناموں کی تشہیر کی جائے گی.
