پولیس نے سانحہ سیالکوٹ کے مجرموں کے خلاف متعدد چھاپوں میں 13 اہم ملزمان سمیت 118 کو گرفتار کرلیا ہے۔
پنجاب پولیس ڈیپارٹمنٹ کی طرف سے جاری کردہ ایک رپورٹ میں کہا گیا ہے کہ پولیس نے گزشتہ 24 گھنٹوں میں مجرموں کی گرفتاری کے لیے 200 چھاپے مارے۔
پولیس نے بتایا، “160 کیمروں سے اکٹھی کی گئی تقریباً 12 گھنٹے طویل فوٹیج کو بھی واقعے کے مجرموں کا پتہ لگانے کے لیے دیکھا گیا۔”
مزید یہ کہ ہزاروں موبائل فون کالز کے ڈیٹا کا بھی تجزیہ کیا گیا اور ویڈیوز اور موبائل کالز کا فرانزک تجزیہ جاری ہے، پولیس نے کہا۔
پنجاب پولیس کے سربراہ راؤ سردار علی خان نے کہا ہے کہ پولیس اپنی تحقیقات میں واقعے کے کسی بھی پہلو کو نظر انداز نہ کرنے کی کوشش کر رہی ہے۔
آئی جی پنجاب نے کہا کہ ملزمان کے خلاف چارج شیٹ تفتیش مکمل ہونے کے بعد انسداد دہشت گردی کی عدالت میں جمع کرائی جائے گی۔
سیالکوٹ میں فیکٹری کے کارکنوں کے ہجوم نے سری لنکن مینیجر کو مار مار کر ہلاک کرنے کے بعد لاش کو چلا دیا، پولیس نے سینکڑوں نامعلوم افراد کے خلاف مقدمہ درج کر لیا ہے۔
ایف آئی آر 800 سے 900 نامعلوم افراد کے خلاف یوگوکی تھانے میں دہشت گردی، اقدام قتل، قتل کی سازش، انسانی جسم کی بے حرمتی اور دیگر دفعات کے تحت درج کی گئی تھی۔
اس سے قبل پنجاب پولیس کے ترجمان نے بتایا کہ مشتعل افراد کی گرفتاری کا آپریشن کل رات بھر جاری رہا اور سیالکوٹ میں 50 سے زائد مقامات پر چھاپے مارے گئے۔
