چین نے پچھلی دو دہائیوں کے دوران وسیع اقتصادی ترقی کی ہے، اوراپنے تلخ حریف امریکہ کو پیچھے چھوڑتے ہوئے دنیا کے سب سے امیر ترین ملک کا درجہ حاصل کرلیا ہے۔
کنسلٹنٹس کمپنی میکنزی اینڈ کو. کی تحقیقی شاخ کی ایک رپورٹ نے یہ نتیجہ اخذ کیا ہے کہ چین دنیا کے 60 فیصد سے زیادہ آمدنی والے 10 ممالک میں سرفہرست ہے۔
چین دنیا کے امیر ترین ممالک کی فہرست میں سب سے اوپر ہے کیونکہ اس نے گزشتہ دو دہائیوں کے دوران عالمی دولت کا تقریباً ایک تہائی حصہ حاصل کیا ہے۔
زیورخ میں واقع میکینزی گلوبل انسٹی ٹیوٹ کے ایک پارٹنر جان مشک نے ایک انٹرویو میں کہا، “چین اب پہلے سے کہیں زیادہ دولت مند ہے۔”
تحقیق میں بتایا گیا کہ عالمی دولت 2020 میں بڑھ کر 514 ٹریلین ڈالر ہو گئی، جو کہ 2000 میں 156 ٹریلین ڈالر تھی۔ رپورٹ میں انکشاف کیا گیا ہے کہ چین کی دولت 2000 میں 7 ٹریلین ڈالر سے بڑھ کر 120 ٹریلین ڈالر تک پہنچ گئی ہے۔
تقریباً دو دہائیاں قبل چین نے ورلڈ ٹریڈ آرگنائزیشن میں شمولیت کے بعد اپنی اقتصادی ترقی کو تیز کیا۔
امریکہ کی خالص دولت 90 ٹریلین ڈالر سے زیادہ ہو گئی، تاہم، جائیداد کی قیمتوں میں بھی اضافہ ہوا ہے۔
رپورٹ کے مطابق، عالمی دولت کی دو تہائی سے زیادہ دولت دنیا کی 10 فیصد اشرافیہ کے پاس ہے۔
میکنزی کی رپورٹ کے مطابق، عالمی خالص دولت کا 68 فیصد رئیل اسٹیٹ سے منسوب ہے۔
بلومبرگ کی ایک رپورٹ کے مطابق، رئیل اسٹیٹ پراپرٹیز کی بڑھتی ہوئی قیمتیں دنیا بھر میں بہت سے لوگوں کے لیے مکانات کو برداشت کرنا مشکل بنا سکتی ہیں جس کے نتیجے میں معاشی بحران پیدا ہو سکتا ہے۔
رپورٹ میں کہا گیا ہے کہ “ریئل اسٹیٹ کی قدروں میں اضافہ بہت سے لوگوں کے لیے گھر کی ملکیت کو ناقابل برداشت بنا سکتا ہے اور مالیاتی بحران کے خطرے کو بڑھا سکتا ہے — جیسا کہ 2008 میں امریکہ میں ہاؤسنگ ببل پھٹنے کے بعد ہوا،” رپورٹ میں کہا گیا ہے۔ “چین ممکنہ طور پر چائنا ایورگرینڈ گروپ جیسے پراپرٹی ڈویلپرز کے قرض پر اسی طرح کی پریشانی کا شکار ہوسکتا ہے۔”
میکنزی رپورٹ میں کہا گیا ہے کہ اس مسئلے کا مثالی حل زیادہ پیداواری سرمایہ کاری میں اضافہ ہوگا جس سے عالمی جی ڈی پی میں اضافہ ہوگا۔
