آریان خان کا گھر پہنچنے پر ڈھول اور پٹاخوں سے استقبال

شاہ رخ خان کے مداحوں کی بڑی تعداد ان کے گھر منت کے باہر انتہائی مشہور ڈرگ آن کروز کیس میں آریان خان کی رہائی کا جشن منانے کے لیے موجود ہے۔

شاہ رخ کے بیٹے کو جمعرات کو ضمانت مل گئی۔ اس سے قبل اس نے دو بار ضمانت کے لیے درخواست دائر کی تھی لیکن نارکوٹکس کنٹرول بیورو کی جانب سے اس کی مخالفت کے بعد رہائی سے انکار کر دیا گیا تھا۔ 23 سالہ نوجوان 28 دنوں سے ممبئی کی آرتھر روڈ جیل میں بند تھا۔

ایک ویڈیو میں دکھایا گیا ہے کہ آریان جیل سے باہر نکلتے ہی گاڑی میں سوار ہو رہے ہیں۔


جوہی چاولہ، جو شاہ رخ کی اچھی دوست ہیں، نے آریان کے 1لاکھ روپے کے ضمانتی بانڈز پر دستخط کیے ہیں۔ اطلاعات کے مطابق آریان نے اپنا پاسپورٹ این سی بی کے حوالے کر دیا ہے اور اسے ہر جمعہ کو اتھارٹی کو رپورٹ کرنا ہو گی۔

آریان کو ضمانت ملنے کے فوراً بعد ٹوئٹر پر تصاویر گردش کرنے لگیں جن میں منت کو روشنیوں سے سجایا گیا ہے۔ ایس آر کے کے حامی آریان کی تصاویر والے بینرز کے ساتھ ان کی رہائش گاہ پر پہنچ گئے اور ان کی رہائی کا جشن منانے کے لیے پٹاخے پھوڑے ۔


آریان کو 2 اکتوبر کو ممبئی کے ساحل پر ایک کروز شپ پر این سی بی نے چھاپہ مارنے کے بعد گرفتار کیا تھا۔ اس پر ممنوعہ منشیات رکھنے کا الزام عائد کیا گیا تھا اور بعد میں اس پر منشیات کی خریداری کا الزام لگایا گیا تھا۔

آریان کے قریبی دوست ارباز مرچنٹ کو بھی ضمانت مل گئی ہے۔

سنیل شیٹی پہلے اداکار تھے جنہوں نے بالی ووڈ میں آریان کی گرفتاری کے بارے میں خاموشی توڑی۔ انہوں نے میڈیا سے درخواست کی کہ “بچے کو سانس لینے دیں اور اصل رپورٹس سامنے آنے دیں”۔

اس کے بعد ریتک روشن نے ایک کھلا خط پوسٹ کیا جس میں آریان کے ساتھ اظہار یکجہتی کیا گیا۔


شتروگھن سنہا سمیت دیگر مشہور شخصیات نے آریان کی گرفتاری کو “ان کے بیٹے کے ذریعے شاہ رخ پر حملہ” قرار دیا ہے۔

رپورٹس کے مطابق آریان پاپارازی فوٹوگرافرز سے بچنے کے لیے چند دنوں تک منت سے باہر نہیں نکلیں گے۔

Load/Hide Comments

اپنا تبصرہ بھیجیں