گانے سے متاثر ہونا ایک چیز ہے، لیکن اس کی دھن کو ہوبہو کاپی کرنا بالکل دوسری بات ہے۔
پہلے تو بالی ووڈ فلمساز ہالی وڈ فلموں کے پوسٹرز اور ایکشن سیکوئنس کو چوری کرنے کے لیے مشہور تھے لیکن پاکستانی گانے اور میوزک ویڈیوز بھی اتنی ہی دلیری سے چوری کررہے ہیں۔
نصرت فتح علی خان اور ملکہ ترنم نور جہاں کی بہت سی کمپوزیشنز ہیں جن کو بالی ووڈ میں چالاکی سے چربہ کیا گیا ہے۔ اس کی تازہ ترین مثال کوکا کولا ہے جسے ایک “پاکستان مخالف” فلم، بھوج: دی پرائیڈ آف انڈیا میں نسل پرستانہ جذبات کو بھڑکانے کے لیے استعمال کیا گیا تھا۔ یہ بالی ووڈ کی فلموں کے ساتھ اپنے جنون کا تسلسل تھا جو ہندوستانی سیکورٹی فورسز کی تعریف کرتی ہیں اور انہیں پاکستان سے مقابلہ کرتے ہوئے دکھاتی ہیں، یہ رجحان 2016 میں اڑی حملوں کے بعد زور پکڑ گیا۔
لیکن گلوکار جوبن نوتیال نے نصرت فتح کی موسیقی کو اس قدر کاپی کیا ہے کہ ان کی کسی بھی حالیہ ریلیز میں ان کا اپنا اصلی گانا تلاش کرنا مشکل ہے۔ انہوں نے ستمبر میں ایک اور مقبول قوالی “دل غلطی کر بیٹھا ہے” کا چربہ کرکامیابی حاصل کی۔ اور تازہ ترین ریلیز “میری زندگی ہے تو” ہے۔ یہ شاعر ناصر کاظمی کی میری زندگی ہے تو کے عنوان سے ایک نظم تھی جسے استاد نصرت فتح علی خان نے پیش کیا تھا۔
میری زندگی ہے تو، ویڈیو میں جان ابراہم اور دیویا کھوسلہ کمار ہیں، 29 اکتوبر کو یوٹیوب پر پریمیئر کے بعد سے اسے 9 ملین مرتبہ دیکھا جا چکا ہے۔
نصرت فتح کے مداح ٹوئٹر پر اصل قوالی شیئر کر کے احتجاج کر رہے ہیں جو کہ ان کے بقول ’بالی ووڈ نے تباہ‘ کر دی ہے۔
“میری زندگی ہے تو” کو بھوشن کمار ٹی سیریز نے پروڈیوس کیا ہے۔
