حکومت نے عوام پر ایک اور پٹرول بم گرادیا

حکومت نے پٹرول کی قیمتوں میں 10.49 روپے کا اضافہ کردیا ہے۔ اس سے قیمت 137.79 روپے کی بلند ترین سطح پر پہنچ گئی ہے.

ہائی سپیڈ ڈیزل کی قیمت 12.49 روپے بڑھ کر 134.48 روپے فی لیٹر ہو گئی ہے۔

وزارت خزانہ کی جانب سے جاری نوٹیفکیشن کے مطابق مٹی کے تیل کی قیمت 10.85 روپے اضافے کے بعد 110.26 روپے تک پہنچ گئی ہے۔ لائٹ ڈیزل کی قیمت میں بھی 8.84 روپے کا اضافہ کیا گیا ہے۔ اب یہ 108.35 روپے فی لیٹر پر دستیاب ہوگا۔

اس سے قبل جمعرات کو آئل اینڈ گیس ریگولیٹری اتھارٹی جسے اوگرا بھی کہا جاتا ہے نے وزیراعظم عمران خان کو پٹرولیم مصنوعات کی قیمتوں میں اضافے کے لیے سمری بھیجی تھی۔

سمری کی ایک کاپی ، جسے میڈیا کے ساتھ شیئر کیا گیا ، نے پٹرول اور ہائی سپیڈ ڈیزل کی قیمتوں میں بالترتیب 5.9 اور 10 روپے اضافے کی سفارش کی۔

تاہم وزیراعظم نے 12.49 روپے تک اضافے کی منظوری دی۔

حکومت یکم نومبر تک بجلی کے نرخ میں 1 روپے 39 پیسے اضافہ کرے گی۔

وفاقی وزیر توانائی حماد اظہر نے جمعہ کو کہا کہ حکومت نے نیپرا کو بجلی کے نرخ بڑھانے کی تجویز دی ہے کیونکہ پاکستان کا سرکلر ڈیٹ بڑھتا جا رہا ہے۔

انہوں نے کہا کہ یکم نومبر سے بجلی کے نرخوں میں 1.39 روپے فی یونٹ کا اضافہ ہوگا۔ یہ 200 یونٹ سے کم بجلی استعمال کرنے والے صارفین پر لاگو نہیں ہوگا۔

وزیر خزانہ شوکت ترین آئی ایم ایف سے مذاکرات کے لیے واشنگٹن میں

پٹرولیم اور بجلی کی قیمتوں میں اضافہ ایک ایسے وقت میں ہوا ہے جب وزیر خزانہ شوکت ترین اپنا واشنگٹن دورہ مکمل کر رہے ہیں جہاں انہوں نے آئی ایم ایف حکام سے ملاقات کی۔

وزیر خزانہ کو آئی ایم ایف کو پاکستان کی معاشی کارکردگی اور صورتحال پر بریفنگ دینی تھی۔ اگر مذاکرات کامیاب ہوتے ہیں تو آئی ایم ایف فوری طور پر ایک ارب ڈالر دے گا۔

یہ بات چیت ممکنہ طور پر ملک کے عام لوگوں کو تین اعتبار سے متاثر کرے گی۔

آئی ایم ایف نے حکومت سے کہا ہے کہ وہ ہر قسم کی سبسڈی کو ختم یا نمایاں طور پر کم کرے۔اس نے مطالبہ کیا ہے کہ نجکاری پروگرام کو تیز کیا جائے اور خسارے میں چلنے والی سرکاری کمپنیوں کی نیلامی کے لیے ایک ٹائم فریم مقرر کیا جائے۔