سابق افغان صدر اشرف غنی کے چیف باڈی گارڈ بریگیڈیئر جنرل پیراز عطا شریفی نے دعویٰ کیا ہے کہ اشرف غنی طالبان کے قبضے میں آنے سے قبل اربوں ڈالر والے بیگ لے کر ملک سے فرار ہوئے۔
چونکا دینے والے انکشاف میں ، صدارتی محل کے گارڈز کے جنرل نے کہا ، “میرے پاس صدارتی محل کی ایک سی سی ٹی وی ریکارڈنگ ہے جس سے پتہ چلتا ہے کہ افغان بینک میں ایک فرد اشرف غنی کے جانے سے پہلے بہت سارے پیسے لے کر آیا۔”
افغان جنرل ، جو طالبان کے افغانستان پر قبضے کے بعد انڈر گراؤنڈ چلا گیا تھا ، میل آن لائن کو بتایا ، “کروڑوں ، شاید اربوں ڈالرسے بھرے بہت سے بڑے بیگ تھے اور وہ بہت بھاری تھے۔
انہوں نے کہا کہ یہ رقم افغان عوام کی تھی اور یہ کرنسی ایکسچینج مارکیٹ کے لیے ہونے چاہیے تھی ، انہوں نے مزید کہا کہ ہر جمعرات کو ڈالر اس مقصد کے لیے لائے جاتے تھے۔
“اس کے بجائے ، یہ صدر نے لے لیے ۔اشرف غنی جانتا تھا کہ آخر کیا ہونے والا ہے۔ چنانچہ اس نے تمام پیسے لیے اور فرار ہوگیا۔
افغان جنرل نے کہا کہ انہوں نے کبھی نہیں سوچا تھا کہ سابق صدر ایسا کریں گے۔ انہوں نے کہا کہ جب وہ کسی محفوظ مقام پر ہوں گے تو وہ تمام شواہد ضرور شیئر کریں گے۔
16 اگست کو جنرل نے ہوائی اڈے تک پہنچنے کی کوشش کی اور ناکام رہا۔ تب سے ، اس کا 14 ممبران پر مشتمل خاندان ، بشمول ان کی یونیورسٹی سے تعلیم یافتہ بیوی اور تین بچے ، جن میں سب سے چھوٹا نو ماہ کا بیٹا ہے ، مسلسل بھاگ رہے ہیں۔
اسرف غنی نے انہیں کبھی نہیں بتایا کہ وہ جا رہے ہیں ، انہوں نے مزید کہا ، “وہ خود بھاگ گئے اور مجھے پیچھے چھوڑ گئے۔”
اپنی یادیں تازہ کرتے ہوئے جنرل شریفی نے کہا کہ 15 اگست کو وہ ہمیشہ کی طرح صدارتی محل میں کام پر جانے کے لیے گھر سے نکلے۔
“پھر میں صدر سے پہلے وزارت دفاع گیا۔ اسے (قریب آتے ہوئے طالبان کے خلاف)کابل کے دفاع کے بارے میں بات کرنے کے لیے جانا تھا ۔
“ہم وہاں صدر کا انتظار کر رہے تھے۔ لیکن پھر مجھے فون آیا کہ وزارت دفاع میں آنے کے بجائے صدر ائیر پورٹ چلے گئے۔
انہوں نے کہا کہ ہمیں پتا چلا کہ وزیر دفاع بھی بھاگ گیا ہے۔
جنرل شریفی نے کہا کہ اس کے پاس ایک بندوق اور ایک گولی ہے۔ اگر طالبان یہاں آئے تو میں خود کو مار دوں گا، کیونکہ اگر انہوں نے مجھے پکڑ لیا تو وہ مجھے قتل کر دیں گے۔
