واٹس ایپ میں ایک بہت ہی اہم فیچر کا اضافہ

واٹس ایپ کی نئی اپ ڈیٹ میں اب صارفین کے لیے ایک نیا فیچر متعارف کرا دیا ہے جو کہ بظاہر ایک چھوٹا مگر بہت ہی کارآمد فیچر ہے اور یہ آنے والے دنوں میں ہر ایک کو دستیاب ہو گا.

واٹس ایپ کی اس اپ ڈیٹ کے بعد چیٹس میں‌تصاویر اور ویڈیوز کا زیادہ بڑا ویو دیکھنا ممکن ہو سکے گا. واٹس ایپ کے مطابق اس فیچر سے چیٹس میں بڑے فارمیٹ میں تصاویر اور ویڈیوز کو بھیجنا ممکن ہو جائے گا.

اس فیچر کا اعلان واٹس ایپ کی طرف سے سوشل میڈیا کی ویب سائٹ ٹویٹر پر ایک ٹوئٹ میں‌کیا گیا اور اس فیچر کے بارے میں صارفین کو سمجھانے کیلئے ایک ویڈیو بھی ساتھ لگائی گئی.

اس‌وقت‌جب‌صارفین واٹس ایپ پر تصاویر بھیجتے ہیں تو وہ کراپ ہوئی محسوس ہوتی ہے اور تصاویر کو مکمل دیکھنے کے لیے اُن پر کلک کر کے اوپن کرنا پڑتا ہے. اس نئی اپ ڈیٹ کے بعد واٹس ایپ میں‌پوری تصویر چیٹ کے اندر ہی نظر آئے گی اور مکمل تصویر دیکھنے کے لیے اُس پر کلک کرنے کی ضرورت نہیں پڑے گی.

اس فیچر کا اطلاق واٹس ایپ چیٹس میں بھیجی جانے والی ویڈیوز پر بھی ہو گا. یہ فیچر بڑے ڈسپلے والی ڈیوائسز کے لیے بہت کارآمد ہو گااور آج کال زیادہ تر فونز میں‌ڈسپلے بڑے ہی دیے گئے ہیں.

یہ نیا فیچر واٹس ایپ نے آئی فونز ڈیوائسز کے لیے متعارف کرایا تھا مگر اب یہ فیچر تمام صارفین کے لیے دستیاب ہو گا.

Load/Hide Comments

اپنا تبصرہ بھیجیں